SİYASƏT

Hit : 26

Azərbaycan İslam Partiyası Beynəlxalq Qüds Günü ilə bağlı bəyanat yaydı

Azərbaycan İslam Partiyası Beynəlxalq Qüds Günü ilə bağlı bəyanat yaydı

11:14, 21.05.2020

"Müsəlmanların ilk qibləsi, Tövhidin mərkəzi, əzəmətli Məscidul-Əqsanın tapındığı müqəddəs torpaq, İslam Peyğəmbərinin(s) İsra və Merac möcuzəsinə şahidlik edən İlahi məkan, qədim sivilizasiyaların qovuşma nöqtəsi, bəşəriyyətə haqqın və ədalətin dərkini nuru ilə ehtiva edən bir məntəqə sayılan Qüds hələ də əsarətdədir".

İslaminSesi xəbər verir ki, bu haqda Azərbaycan İslam Partiyasının Qüds Günü ilə bağlı yaydığı bəyanatda bildirilir.

 

Bəyanatda daha sonra deyilir:


"Dinlərarası sülh və barış, bəşər övladlarına vəhdət və qarşılıqlı məhəbbət rəmzi olan bu müqəddəs torpağa İlahi bəxş etdiyi keyfiyyətlərin məzmun və mahiyyətini dəyişməyə çalışan sionizm indi buradan ətraf məntəqə və xalqlara və bütün dünyaya qarşı təkəbbür və zülm, işğalçılıq və qəsbkarlıq ideologiyası ilə yüklənmiş siyasət yürüdür. Adi insan haqlarını pozaraq bəşəri cinayətlərə imza atan bu mənfur qövm ötən əsrin ortalarından başlayaraq bütün beynəlxalq qanunları ayaqlar altına atıb Fələstin xalqının fundamental dəyərlərini, ən adi hüquqlarını kobudcasına pozmaqda davam edir. İngilis himayədarlığı, Amerika başda olmaqla Qərb təəssübkeşliyi nəticəsində bu cəlladları hər gün fələstinli körpə, qoca, qadın, istiqlaliyyəti uğrunda çarpışan müsəlman gəncləri qətliam etməkdən çəkinmir, ən alçaq niyyətlərini həyata keçirməyə daha çox səy göstərir.


Heç bir İlahi dində və dünyanın heç bir qövmündə, insan fitrətində zülm və istibdad bəyənilmir. Çünki bu mənfur hiss və cürətə qarşı dayanmayanlara İlahi böyük əzablar vəd edir. Bütün bunlara rəğmən İran İslam İnqilabının böyük banisi və rəhbəri Həzrət İmam Xomeyni (r.ə) mütərəqqi, uzaqgörən fikir və düşüncələrinin nəticəsi, eyni zamanda İlahi istəklərin ifadəsi olaraq Fələstin xalqına qarşı haqsızlığın davamına müqavimət məqsədilə 1982-ci ildə, hər il Ramazan ayının son cümə günü olmaqla, Beynəlxalq Qüds Gününü təyin etdi.


Bu tarixi gün hər il bütün dünyada ictimai-siyasi-mənəvi-psixoloji aspektdə geniş cəmiyyətlər tərəfindən qeyd edilir, zalıma, hər növ zülmə nifrət yağdırılır, məzlum xalqların səsinə səs verilir. Çox keçməyəcək qəsbkarlar, başda işğalçı İsrail rejimi olmaqla, dünyanın bütün istismarçı, müsəlman torpaqlarına göz dikən, müqəddəs məkanları qanlı caynağına keçirən İslam düşmənləri cəzalarını alacaq, rüsvayçı məğlubiyyətə düçar olacaqlar. Çünki onlar Allahın düşmənləridirlər. Onlarla birgə, vəhdətdə vuruşmağın vaxtı yetişib. Qüdsün azadlığı Doğma Qarabağımızın, İraq, Suriya, Liviya, Əfqanıstan, Yəmən, Bəhreyn, Kəşmir və istismar olunan digər müsəlman torpaqlarının azadlığına yol açacaq.


Azərbaycan İslam Partiyası olaraq biz dünyanın bütün sülhsevər xalqlarını zülmə, qəsbkarlığa, hər növ işğala qarşı mübarizəyə səsləyirik".

DİGƏR SİYASƏT XƏBƏRLƏRİ

bütün xəbərlər